<?xml version="1.0" encoding="UTF-8"?><song><author>Peter Perkins Pitchlynn</author>
<aka>Chihowa oh aiokpʋchí</aka>
<lyrics>[V1]
 Chihowa oh aiokpʋchí;
 Yakni paknaka moyuma
 Ai aha̱shwa hokʋt,
 Himonna 'chʋfa choyuhmit,
 Pin Chihowa holitopa,
 Pit ahnihinchi pulla hosh
 Aiokpahanchashke.

[V2]
 Yʋmoho̱mikma hoshonti
 Mahli umba, oka, shutik,
 Hiloha achinto
 Fichik, ʋba talohma̱ya,
 Hʋshi, hʋsh nanak aya, mont
 Chihowa in Chitokaka
 Aiokpahanchashke.

[V3]
 Oklushi hʋsh moyuma ma!
 Chin Chihowa ʋba yoka
 Pit oh anukfillit,
 Ithaiyanʋt, ahnihinchit
 Ai a̱hli hosh i̱ yihi̱mmit,
 Wakayʋt immi tohombʋt
 Hʋsh aiokpahanchashke.

[V4]
 Hatak holitompa puta,
 Mi̱ko chitokaka momʋt
 Chihowa pulla ka,
 Pi̱ mi̱ko yoke, aiahnit
 Anukchietot, i̱ hullot
 Pit in taloho̱wa pullʋt,
 Aiokpahanchashke.

[V5]
 Hatak ʋbanumpa yimmi,
 Chisʋs immi hʋchia ma!
 Chi̱ mi̱ko atukma
 Pit ai i̱ shahlichi mak osh,
 Hʋsh i̱ yihi̱mmi hatuk ʋt
 Holitobli ai a̱hli hosh
 Hʋsh in taloashke.</lyrics>
<title>Praise to God ƲIT136</title>
<time_sig>8.8.6.8.8.8.6.</time_sig>
<hymn_number>136</hymn_number>
</song>